Euskararen etorkizuna jokoan dago.
Euskaltzaleon garaia da!
Abenduaren 27an, Euskalgintzaren Kontseiluak eta bazkideek deituta, Bilbao Arena euskaltzalez beteko duen EKITALDIA antolatuko dugu. Informazio guztia eta sarrerak www.pizkundea.eus webgunean daude eskuragarri.
Gune honetan ekitaldiaren zabalpena egiteko oinarrizko baliabide eta materialak jasotzen dira.
Ekarpen oro ongi etorria izango da. Euskaltzale guztion indarra beharko dugu!
Herrietan girotzeko ekimenak
Abenduaren 3aren bueltan, Euskararen Egunaren testuinguruan, herri eta auzoetan ekimen ugari egiten dira, euskara elkarteek, ikastetxeek, udalek edota eragile ezberdinek elkarlanean antolatuta. Hemen aurtengo Euskararen Eguna ezaugarritzeko proposamen eta ideia batzuk jaso ditugu, baina beste edozein datetan ere egingarriak dira. Tokiko ahalmen eta moduetara egokituta, noski!
Proposatzen duguna da euskaltzaleak Pizkunde berri baten inguruan elkartuko dituen argazki jendetsuak egitea, lurrean mugikorrak jarrita linterna (flash-a) piztuta eta gora begira.
Adimen artifizialaren laguntzarekin sortu dugun irudi honetan ikus daiteke ekintzaren adibide bat:
Ondoren, elkarte bakoitzak zuen sare sozialetan igo dezakezue #Pizkundea edota #EuskaltzaleonGaraiaDa traolak erabiliz eta “Euskalgintzaren Kontseilua” (@kontseilua) etiketatuz. Gainera, komunikazioa@kontseilua.eus emailera bidaltzen badiguzue, guk geuk ere igoko ditugu.
Zuen herri edo auzoko Euskararen Eguneko egitarau baten barruan zein ekintza solte bezala argazki herrikoia egiteko deialdi irekia egiten baduzue, jakinarazi goiko emailean eta guk ere deialdia zabaltzen lagunduko dizuegu.
Ekitaldia zabaltzeko ekimenak
Ekitaldiaren zabalpena egiteko ekintza eta ekimen posibleen bilduma jaso dugu ondorengo lerroetan. Sakatu gainean xehetasunak ikusteko.
▼ Kartelak
Kalean, espazio publikoan, lantokian, ikastetxean edo beste edozein tokitan jartzeko kartelak nahi badituzue, bete mesedez hau: https://forms.gle/6YbyLYkmJjmbTQXt5
Galdetegia bete ondoren, zurekin harremanetan jarriko gara kartelak non eta noiz jaso ditzakezun azaltzeko. Kartelak 48x68cm-koak dira, bertikalak.
Tamaina txikiagoan nahi badituzue, zuen kabuz inprimatzeko PDF formatuan deskargatu dezakezue HEMEN.
▼ Sare sozialak
Sare sozialetarako formatu eta tamaina ezberdinetara egokitu dugu kartela. Jaisteko sakatu irudien gainean.
- Bertikala (4×5): Jaitsi hemen
- Instagram Stories: Jaitsi hemen
- Karratua (1×1): Jaitsi hemen
- Horizontala: Jaitsi hemen
▼ Autobusak herrietatik
Herri, auzo eta eskualdetik Bilbora joateko autobusak antolatzeko asmoa edo beharra dagoen kasuetan, inguruko euskalgintzarekin harremanetan jartzea eta elkarrekin antolatzea hobesten dugu. Herri bakoitza arduratu beharko da antolaketaz, zabalpena egiteaz eta gastuak ordaintzeaz. Autobusak iragartzeko kartel eredu hau baliatu dezakezue.
Jada autobusa antolatuta dagoenean, koordinazio lanak errazteko jakinarazi mesedez ondorengo galdetegia beteta: https://forms.gle/mudDsRtmr1nJsZAi8
▼ Email zabalpenak
Bazkideen edo harpidetuen email zerrendak dituzten elkarte/eragileen kasuan, ohiko buletin edo bidalketetan deialdiaren mezutxo bat txertatu daiteke, edo email oso bat bidali ekitaldira joateko eta zabalpenean laguntzeko gonbitarekin.
▼ Bestelako ekimenak
- Ekitaldira deitzeko elkartearen kartel propioa sortzea eta zabaltzea.
- Sareetako edukiak sortzea, imajinazio apur batekin.
- Hedabideetara iritzi artikuluak edo prentsa oharrak bidaltzea (tokiko euskalgintzaren atxikimenduarekin, adibidez).
- Kontseiluaren sare sozialak jarraitu eta mezuak zabaltzea: X/Twitter · Mastodon · BlueSky · Instagram · Facebook · TikTok.
Bestelako proposamen, ekarpen edo ideiarik izanez gero, bidali mesedez komunikazioa@kontseilua.eus helbidera. Eskerrik asko, eta animo!
Materialak jaitsi
Hemen jasotzen joango gara ekitaldia zabaltzen laguntzeko material guztia: kartelak, pankarta eredua, eskuorriak, sare sozialetarako edukiak eta abar. Laguntzeko prest bazaude, jarri gurekin harremanetan!
- sare SOZIALETARAKO KARTELAK:
Kartelak eskatzeko
Zure herri, auzo edo eskualdean kartelak jartzeko prest bazaude, bete mesedez galdetegi hau eta ahal bezain laster zurekin harremanetan jarriko gara.
Autobusak herrietatik
Herri edo eskualde batetik autobusa antolatu baduzue, jakinarazi mesedez galdetegi hau betez, koordinazio lanak errazteko. Zabalpena egiteaz zuek arduratu beharko zarete. Hemen duzue autobusak iragartzeko kartel eredua (PDF).
Jarrai gaitzazu sare sozialetan eta jaso gure jardunaren berri:
