Elkarretaratzea Donostian, herritarren hizkuntza-eskubideen defentsan
Aste honetan, Donostiako Administrazioarekiko Auzien 1. epaitegiak Donostiako Udaleko mugikortasun agenteen egonkortze-prozesu baten jarritako euskararen eskakizuna bertan behera utzi du.
Euskalgintzaren Kontseiluak eta BAGERA Donostiako euskaltzaleen elkarteak adierazi dugu epai horrek herritarren eta langileen hizkuntza-eskubideak urratu eta udaltzaingoak euskaraz artatua izateko bermea kaltetzen dituela.
Epaileen erabaki atzerakoia salatzeko elkarretaratzea deitu dugu datorren asteazkenean, irailak 17, 18:30ean Donostiako Justizia Jauregiaren aurrean.
–
