Nafarroako 200 gizarte eragilek eskatu dute euskararen ofizialtasuna
Gaur, Nafarroako Parlamentuaren aurrean egindako agerraldian, 200dik gora gizarte eragilek euskararen ofizialtasuna eskatzeko adierazpenarekin bat egin dutela iragarri du Euskalgintzaren Kontseiluak. Abenduaren 15ean ekin zitzaion sinadurak bilketari, Euskararen Nafar Kontseiluak 2022ko irailaren 16an onartu zuen euskararen ofizialtasunaren gaineko adierazpenean oinarriturik.
ADIERAZPENA
200dik gora gizarte eragile gatoz elkarrekin euskara Nafarroa osoan ofiziala izan dadila eskatzera. Nafarroako gizarte askotariko eta konplexu honetan sektore desberdinetan eta ikuspuntu diferentez aritzen garenak: kohesio eta justizia sozialaren arloan, kulturgintzan, astialdian, hezkuntzan, hedabideetan… Oso gutxitan gurutzatzen garen berrehundik gora eragile, kasu askotan elkarren berri apenas izan gabe. Nafarroako jendartearen lagin esanguratsu bat, nolabait.
Baina oraingoan elkarrekin gatoz, arestian esan bezala, euskara Nafarroa osoan ofiziala izan dadila eskatzera. Hau da, Nafarroako milaka biztanlek lurralde eremu osoan herritartasuna berdintasunez, bazterkeriarik gabe, bizitzeko aukera izan dezatela galdegitera. Izan ere, autoa hartu eta Lekunberritik Iruñera doan herritarrak nola ulertuko du 30 kilometroko ibilbidean aurrera egin ahala eskubideak galduz joatea? Beste edozein eskubiderekin ulerkaitza dena, nola gerta daiteke milaka herritarren hizkuntza eskubideekin?
Ofizialtasun estatusa, eskubideak, errekonozimendua –edo, alderantziz, eskubide murrizketa eta galarazpenak– ez baitira hizkuntzenak, baizik eta haiek gorpuzten dituzten, haietan bizi diren, haietan diren, herritarrenak. Ez gara gauza abstraktuez ari, baizik eta milaka lagunen eguneroko hautu eta bizitzetan eragina duten kuestioez. Esate baterako, Nafarroako edozein herritan bizita ere norberaren seme-alabek euskaraz ikasteko aukera izateaz. Ofizialtasunak ez dio inori eskubiderik kentzen; ez dituenari aitortzen dizkio. Ofizialtasuna ez da ateak ixteko giltza bat, ateak zabaltzekoa baizik.
Horregatik, hauteskunde bezperan gauden honetan, hurrengo Nafarroako Parlamentua osatuko duten alderdiei indar bereziz eskatzen diegu ofizialtasunaren eskaria har dezatela aintzat, jar dezatela beren ildo, egitasmo eta jardunbideen erdigunean. Ekar dezatela berdintasuna Nafarroara. Hain zuzen ere, oinarrizko eta erdiguneko auzi bat delako: gizarte kohesioari, justizia sozialari eta bizikidetzari eragiten diona. Eskaera hori zuzenki helaraziko diegu indar politikoei, datozen egunetan abiatuko dugun bilera sortaren bidez. Finean, gizarte kohesioan, justizia sozialean eta bizikidetzan sakontzea nafar guztien mesederako delako, ez bakarrik euskaldunen eta euskara ikasi nahi dutenen onerako. Denentzako da, Nafarroako gizarte osoarentzat, ofizialtasuna onuragarri. Ofizialtasuna ez baita ateak ixteko giltza bat, zabaltzekoa baizik.
Eta horren lekuko gara hemen bilduok, hasieran esan bezala, 200dik gora gizarte eragile: sektore ugaritakoak eta ikuspuntu anitzekoak. Baina denok ere, euskarari ez ezik, gizarte kohesioari, justizia sozialari eta bizikidetzari bultzada bat eman nahian; milaka nafarren bizitzak bizigarriago egin nahian. Ofizialtasunaren bidez berdintasunari atea zabaltzeko irrikaz. Hala bedi!
Iruñean, 2023ko apirilaren 20an
SINATZAILEAK
- Aburrecalles Txaranga
- Administrazioa Euskaraz Taldea
- Africa United Navarra
- Afu
- AHT Gelditu! Nafarroa
- Aita Hilario Olazaran Txistulari Taldea
- Alaitxo Guraso Elkartea
- Alaitz Ikastetxea
- Andosilla Herriko Gazteak
- Andra Mari Ikastola
- Antsoain Herri Kirol Taldea
- Aralar Musika Eskola
- Areka Elkartea
- Argia
- Argia Ikastola
- Arizkun Rock
- Arrigarai Euskaltegia
- Asociación Cultural Deyo
- Asociación Euskararen Lagunak
- Asociación Maravillas Lamberto de Larraga
- Asociación Mujeres El Cotarro
- Asociación Simón Bolívar Navarra
- Asocolon Colombianos en Navarra
- Atarapana
- Atarrabiako Gaiteroak
- Atarrabiako Txistulariak
- Axular Kultur Elkartea
- AZGM Iruñeko Alde Zaharreko Gazte Mugimendua
- Azkoiengo Gazte Asanblada
- Baizera
- Barañaingo Bertso Eskola
- Barañaingo Euskal Kantak
- Barañaingo Haur Eskola
- Barañaingo Jauzi Taldea
- Barañaingo Larrain adinekoen elkartea
- Barañaingo Trikitilariak
- Basilio Lacort Elkartea
- Bastardix
- Baztan Ikastola
- Berriozar Kirol Elkartea
- Bi Haizetara
- Bilgune Feminista
- Biurdanako Guraso Elkartea
- Bizkarra Banda
- Boga-Boga Produkzioak
- Broken Brothers Brass Band
- Burutik
- Butaca 78 Eserlekua
- Chill Mafia
- Club Deportivo Navarra – Nafarroa Kirol Elkartea
- Club Deportivo Umore Ona
- Colectivo El Salvador Elkartasuna
- Corella Talde Feminista
- Deierriko Kontsumo Taldea
- Duguna Dantza Taldea
- EDH Kolektiboa
- EHGAM Nafarroa
- El Cierzo Peña
- El Punto Gunea
- ELA Sindikatua
- Elortzibarko Gau Eskola
- EMUN
- Eraiki Guraso Elkartea
- Erbinude Elkartea
- Erentzun Fundazioa
- Erentzun Ikastola
- Ernai
- Erriberriko Txistulariak
- Errotaberri Elkartea
- Errotxapeko Gazte Asanblada
- ESK Sindikatua
- Eskubide Sozialen Karta
- Etxalarko Herriko Ostatua
- Euskal Herrian Euskaraz – EHE
- Euskal Memoria
- Euskaldunon Biltokia
- Euskalerria Irratia
- Euskaltzaleon Topagunea
- Euskararen Defentsarako Sarea
- Euskararen Lagunak
- Extintion Rebelion
- Festagiro
- Fosas de la Sierra del Perdón – Erreniegako Hilobiak
- Fundación Altaffaylla
- Fundación Merindad
- Gaiteros de Tudela – Tuterako Gaiteroak
- Garaño Elkartea
- Garces de los Fayos Ikastola
- Garean
- Gartxot Elkartea
- Gazten Euskaltzaleen Sarea
- Gazteok Bai
- Geltoki Elkarte Mikrokooperatiba
- Gerrarik Ez Plataforma Nafarroa
- Gizakia Herritar Fundazioa – Paris 365
- Gora Lerin Kultur Elkartea
- Goxua’n Salsa
- Gure Hizkuntza Elkartea
- Haizea Elkartea
- Haritu
- Hegoalde Ikastolako Guraso Elkartea
- Hekimen
- Herdoil
- Herri Eliza – Redes Cristianas de Navarra
- Herri Sanferminak
- Hezibidea Guraso Ekartea
- Hiru Herri Mendi Taldea
- HIRU Sindikatua
- Ibaialde Ikastola
- Ibarberri Eskola
- Ibil Bedi
- Igela Argitaletxea
- IKAMA
- Iñigo Aritza Ikastola
- Irantzu Mankomunitateko Euskara Zerbitzua
- Iratiko Ekoizpenak
- Irrintzi Peña
- Iruinkokoa
- Irunberriko Txaranga
- Iruñeko Algara – Bullicio Pamplones
- Iruñeko Gazte Orkestra – Joven Orquesta de Pamplona
- Iruñeko Peñen Federazioa
- Irurtzungo Aizpea Euskara Taldea
- Jaiak Txaranga
- Jaso Ikastola
- Josi Climber Mendi Taldea
- Karrikaluze
- Kebenko Uskararen Aldeko Elkartea
- KEM – MOC Nafarroa
- Kinbonbo Brass Band
- La Bota Elkartea
- La Cueva Lezea Peña
- La Única Peña
- LAB Sindikatua
- Laba Sarea
- Labiaga Ikastola
- Lagun Artea Kirol Elkartea
- Larraun Bizi Ekimena
- Larraungo Hazia
- Lauarin Dantza Taldea
- Lizarrako Pentsionistak Martxan
- Lodosa Bizirik
- Lunes Lilas Navarra – Astelehen Lilak Nafarroa
- Lurpekariak
- Malatxo Txaranga
- Manvcodiata Antzez-sorkuntza
- Mendabiako Euskara Taldea
- Mugarik Gabe Nafarroa
- Mugarri Guraso Elkartea
- Mugitu
- Nafar Ateneoa
- Nafarroa Aurrera Elkartea
- Nafarroako AEK
- Nafarroako Bertsozale Elkartea
- Nafarroako Ekologistak Martxan
- Nafarroako Euskarazko Irakurleen Taldeak
- Nafarroako IKA
- Nafarroako Ikastolen Elkartea – NIE
- Nafarroako Neska* Gazteak
- Nafarroako Pentsionistak Martxan
- Naxker
- Noaingo Bataila Elkartea
- Noaingo Gau Eskola
- NUPeko Euskara Taldea
- Olite/Erriberri por la Memoria
- Omen Kolektiboa
- Ondalan Elkarte Mikrokooperatiba
- Ondare Kultur Taldea
- Orreaga Fundazioa
- Oteitzako Arrano Kultur Elkartea
- Paz de Ziganda Ikastola
- Pello Pezetxea Kultur Gunea
- Peña Pelotazale San Sebastian
- Pikuxar Euskal Txokoa
- Plataforma 8 Marzo
- Plataforma Social de Barañain
- Rebeldia Navarra
- San Fermin Ikastola
- Sare
- SDRC Alegría de Iruña KKAE
- SF78 Gogoan
- Skabidean
- Sortzen Elkartea
- Sortzen Gurasoak
- STEILAS Sindikatua
- Sustrai Erakuntza Fundazioa
- Tafallako Txoznak
- Tantirumairu Ikastola
- Teatrolari
- The Guilty Brigade
- TOKIKOM
- Ttipi-Ttapa Fundazioa
- Tuterako Alde Zaharreko Paloteadoa
- Txalaparta Argitaletxea
- Udako Euskal Unibertsitatea – UEU
- Uharteko Arte Garaikideko Zentroa
- Uharteko Eskubaloi Taldea
- Uharteko Kantuz Taldea
- Uharteko Txalaparta Taldea
- Ultzama-Larraungo Euskaltegia
- Unión Tutera Futbol Taldea
- Xaloa Telebista
- Zaldiko Maldiko Elkartea
- Zangozako Ikastola
- Zidakos Txaranga
- Zizurko Jai Batzordea
- Zuberrieta Elkartea
- Zumedia Guraso Elkartea